Situata në protestën e të rinjve pranë Ministrisë së Arsimit në Tiranë është përshkallëzuar, ku janë regjistruar momente dhune gjatë përplasjeve me Policinë.
Në pamjet nga vendngjarja shihen efektivë të Policisë që godasin protestuesit me shkopinj gome. Ndërkohë, ndaj turmës është përdorur edhe ujë me presion dhe gaz lotsjellës, në përpjekje për të shpërndarë protestuesit.
Në një moment, një efektiv i Policisë shihet teksa i zë gojën një protestuesi gjatë ndërhyrjes, ndërsa në terren janë regjistruar edhe goditje me shkopinj gome ndaj të rinjve.
Protesta e studentëve dhe gjimnazistëve vijon mes tensioneve, ndërsa ndërhyrja e forcave të rendit ka sjellë përplasje të forta në zonën pranë ministrisë.
