Një 35-vjeçar italian është arrestuar nga policia në Shqipëri, pasi dyshohet se ka vjedhur një automjet tip “Audi Q5” në rrugën dytësore Durrës-Tiranë dhe më pas ka tentuar të largohet.
I arrestuari është identifikuar si Angelo Esposito. Sipas burimeve, pas ndalimit të tij, 35-vjeçari ka refuzuar të japë deklarime përpara autoriteteve policore lidhur me ngjarjen.
Një tjetër element që ka ngritur pikëpyetje për autoritetet është fakti se në momentin e arrestimit ai nuk kishte me vete asnjë dokument identifikimi.
Për të verifikuar identitetin dhe të dhënat e 35-vjeçarit, policia shqiptare është lidhur me Ambasadën Italiane në Tiranë.
Autoritetet pritet të marrin informacion mbi identitetin e tij, si dhe mbi aktivitetin dhe lëvizjet që ai ka pasur në Shqipëri.
