Një ditë pasi Policia e Shtetit hodhi poshtë se në vrasjen e Martin Canit 14 vjeç fshihen dy autorë të dyshuar, publikohet në media procesverbali që nxjerr blof blutë e Tiranës.
Ndërkohë mbrëmjen e sotme në studion e Top Story, është publikuar proces verbali i mbajtur nga oficeri pas ngjarjes. Në këtë procesverbal, përveç emrit të të miturit, del edhe një tjetër person, me emrin Kledion.
Ngjarja është ende nën hetim, ndërsa ende nuk dihet se cili apo cilët ishin personat që morën në makinë autorin e dyshuar pas ngjarjes, në makinën ku më pas u publikua edhe një foto e të miturit, ku shfaqej me plagë në dorë.
Kujtojme se prindërit e djalit që ndodhej bashkë më 14-vjeçarin Martin Cani, i cili humbi jetën pas plagëve të marra me thikë, kanë pretenduar se në vendin e ngjarjes nuk ka qenë vetëm autori i dyshuar, por edhe një person tjetër më i rritur.
