Vetë rezultati i ndeshjes së djeshme mes Partizanit dhe Vllaznisë, lë pak vend për moviolë e raste të dyshimta, pasi diferencat mes skuadrave nuk i lanë asgjë për të vendosur kryesorit Adrian Beqiraj dhe asistentëve të tij. Kishte dy momente të dyshimta, ku kryesori arriti të marrë vendime të sakta.
3′ Rrapaj rrëzohet në zonë pas një kontakti minimal me një prej shkodranëve, duke pretenduar penallti. Gjyqtari me të drejtë vijon lojën, pasi nuk ka elemente të një penalltie. (VIDEO)
27′ Delaj shënon për Vllaznisë, por anësori e anulon për pozicion jashtë loje. Duket qartë se lojtari shkodran ka qenë i avancuar në momentin e pasimit me kokë të Balajt. (VIDEO)
