Një aksident i rëndë është shënuar gjatë natës në Golem, ku dy personave që udhëtonin me një motor kanë humbur jetën.
Sipas policisë, ngjarja ndodhi rreth orës 00:20, kur motomjeti me dy persona në bord doli nga trajektorja dhe u përplas me një bordurë.
Përplasja rezultoi fatale për drejtuesin e motorit, 44-vjeçarin E. L., si dhe për pasagjerin, i cili ende nuk është identifikuar nga autoritetet.
Policia dhe grupi hetimor ndodhen në vendin e ngjarjes dhe po vijojnë hetimet për të përcaktuar dinamikën e aksidentit dhe shkaqet që çuan në përplasjen tragjike.
Golem/Informacion paraprak
Rreth orës 00:20, të datës 25.08.2026, në Golem, një motomjet me dy persona është përplasur me një bordurë.
Si pasojë e aksidentit, kanë humbur jetën drejtuesi i motomjetit, shtetasi E. L., 44 vjeç, si dhe pasagjeri, ende i paidentifikuar.
Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit, si dhe për identifikimin e shtetasit tjetër.
