TIRANË- Fundviti po afron, e bashkë me të edhe nisja e spektaklit më të ndjekur në vend, “Big Brother Albania V.I.P.”. Prej disa kohësh, në media qarkullojnë ‘fjalë’ se këtë vit, për herë të dytë në histori, prezantimi i këtij spektakli nuk do t’i besohet moderatores Arbana Osmani. Duke qënë se nuk ka dalë as promoja zyrtare e nisjes së spektaklit, e vetë Osmani hesht, dyshimet kanë nisur që të përforcohen.
Burime për “Zëri.ai” bëjnë me dije se moderatori që do të prezantojë emisionin do të jetë Ledion Liço. Kjo do të jetë hera e dytë për të që prezanton spektaklin, pasi eksperiencën e parë e kaloi në vitin 2015. Asokohe, Arbana Osmani solli në jetë djalin e saj të parë, e mori 1 vit pushim nga ekrani, duke u zëvendësuar nga kolegu i saj. Por mesa duket ky ndryshim do të ndodhë sërish.
Arsyet? Ende nuk dihen…
Burime të ndryshme brenda Top Channel i kanë thënë për “Anabel” se moderimi i BBVA mbetet i paqartë për shkak të një “ngërçi” mes administratorëve të televizionit dhe Arbanës, që mendohet se ka lidhje me negociatat mbi kompesimin financiar. Por fill pas këtij lajmi, moderatorja publikoi një foto duke konsumuar “Lori Caffe”, e cila është në pronësi të Lori Hoxhës.
Ndoshta, moderatorja kërkon më shumë kohë për t’u marrë me biznesin e saj më të ri, restorantin që do të hapë ambientet e Piramidës së Tiranës.
Megjithatë ka ende kohë deri në nisjen e spektaklit, deri atëherë, do e vëzhgojmë në “Big Brother-in”.
