Emalinda Rama, 26-vjeçarja e cila mbyti me tel babanë e saj në Fier ka dhënë dëshminë e saj gjatë seancës gjyqësore që u zhvillua këtë të hënë.
Bëhet me dije se vajza së bashku me nënën e saj Valbona Rama kanë mohuar të kenë lidhje me vrasjen e kryefamiljarit Anesti Rama, krim i ndodhur mbrëmjen e 23 Korrikut.
“Nuk dimë asgjë kush e ka vrarë, ne thjesht e kemi gjetur të vdekur”, kanë deklaruar para togave të zeza nënë e bijë.
Sakaq përfaqësuesi ka deklaruar se ato kanë qenë shumë kontradiktore në deklaratat e tyre, duke shtuar se kishte kërkuar shtrimin e tyre në spital psikiatrik gjatë seancës së sotme (28 Korrik).
“Sot e mohuan plotësisht faktin e përfshirjes së vrasjen e shtetasit Anesti Rama”, deklaroi avokati.
Sa i përket dyshimeve se 26-vjeçarja ka qenë në një lidhje me të akuzuarin tjetër Çlirim Dogani, ai u shpreh se “Emalinda është e çekuilibruar dhe i mohon qëndrimet e saj disa herë. Ajo ka pasur disa fejesa, pretendimi i saj është se ka kryer marrëdhënie me atë shtetas 1 vit përpara, ky është pretendimi i fundit”.
Avokati: Thëniet e tyre gjatë procesit të hetimit ishin shumë kontradiktore me çfarë deklaruan sot në procesin gjyqësor përpara Gjykatës. Sot e mohuan plotësisht faktin e përfshirjes së vrasjen e shtetasit Anesti Rama dhe thanë “nuk dimë asgjë kush e ka vrarë, ne thjesht e kemi gjetur të vdekur”. Emalinda është e çekuilibruar dhe i mohon qëndrimet e saj disa herë. Ajo ka pasur disa fejesa. Pretendimi i saj është se ka kryer marrëdhënie me atë shtetas 1 vit përpara, ky është pretendimi i fundit.
Dogani tha se nuk kam pasur lloj informacioni, i kam njohur thjesht si qytetare në autobus kur bëja linjën Arapaj-Fier. Kërkova shtrimin e tyre në spital psikiatrik duke parë çekuilibrin e tyre gjatë këtyre 5 ditëve, duke ndryshuar disa herë version.
Ndërkohë në mbyllje të seancës gjyqësore, Gjykata e Fierit ka vendosur masën e sigurisë “arrest me burg” për Emalinda Rama, 26 vjeçe (vajza e viktimës), nëna e saj Valbona Rama, 53 vjeçe, dhe Çlirim Dogani, 55 vjeç.
