Nga Neritan Vladi
Kurrë më shumë se sot nuk janë parë rrugët, sheshet kryesore të qyteteve dhe shtëpitë e shqiptarëve më bosh nga të rinjtë. Drama më e madhe që ka prekur çdokënd nga shpopullimi që i është bërë shqipërisë në 11 vitet e fundit.
Urime të gjithëve ditën e rinisë!
Promovimi i rinisë është parësore për Partinë Demokratike të Shqipërisë. Kjo parti u krijua nga studentët, dhe në 33 vite u mbajt peng nga falangat e xhaketave të vjetra e pardesyve të bardha.
Kurrë më shumë se sot e kemi detyrë morale dhe jetike për egzistencën e kësaj partie së pari kërkimin e faljes dhe ndreqjen e këtij gabimi që e ktheu Partinë Demokratike në një parti të vjetër, të mbyllur, pa frymë dhe shpresë.
Shpresa jonë dhe e Shqipërisë, e ardhmja e çdo familje dhe çdo partia janë elitat e reja.
Sot më shumë se kurrë duhet të zotohemi së pari para familjeve tona dhe më pas para çdo familje Shqiptare që rinia do të jetë motori dhe promotori i Partisë Demokratike!
Rroftë rinia!
Rroftë Partia Demokratike e Shqipërisë!
Zoti i bekoftë të rinjtë shqiptar!
