Ardian Çapja, i dënuar me burgim të përjetshëm, nuk ka mundur të marrë pjesë në ceremoninë mortore të nënës së tij.
Çapja kishte kërkuar leje për të dalë nga burgu dhe për të qenë i pranishëm në varrimin, i cili ishte planifikuar të zhvillohej në orën 14:00.
Sipas burimeve, Drejtoria e Përgjithshme e Burgjeve i është drejtuar Policisë së Shtetit për të marrë konfirmimin nëse efektivët do të mund të garantonin shoqërimin dhe sigurinë e të dënuarit gjatë daljes së tij nga burgu.
Por, sipas të dhënave paraprake, Policia nuk ka kthyer përgjigje ndaj kërkesës së Burgjeve.
Në këto kushte, Çapja nuk ka mundur të marrë leje për të dalë dhe për të marrë pjesë në ceremoninë e varrimit të nënës së tij.
