Një moment simbolik tërhoqi vëmendjen gjatë protestës së zhvilluar këtë të enjte në Tiranë kundër projektit në Zvërnec.
Mes turmës së qytetarëve, një protestues u shfaq duke mbajtur në duar një karton të kuq, në një gjest që synonte të shprehte pakënaqësinë ndaj klasës politike.
Duke e krahasuar politikën shqiptare me një ndeshje futbolli, qytetari tha se kartoni i kuq ishte një mesazh për të gjithë deputetët e Kuvendit, të cilët sipas tij nuk përfaqësojnë më interesat e qytetarëve.
“Ky karton i kuq është për të gjithë deputetët. Duhet të dalin jashtë Parlamentit, jashtë lojës”, u shpreh ai para protestuesve.
Mesazhi u prit me duartrokitje nga të pranishmit dhe u bë një nga momentet më të komentuara të protestës, e cila mblodhi mijëra qytetarë në bulevardin “Dëshmorët e Kombit”.
