Dita pas sfidës me Galatasaray, te Juventus është ditë refleksionesh. Nëse nga njëra anë, skuadra bardhezi tregoi se është në lartësinë e Ligës së Kampioneve duke zhvilluar një ndeshje të madhe dhe me karakter, por drejtuesit, të paktën për momentin, nuk duket se janë në lartësinë e duhur.
Ulje-ngritjet që shihen në fushën e lojës janë edhe fryt e merkatos që deri tani nuk ka bindur dhe nuk ka sjellë përmirësim të skuadrës.
David, objekt misterioz. E panjohura e madhe e këtij sezoni është me siguri, Jonathan David. I ardhur në verë me parametra zero nga Lille, sulmuesi kanadez nuk ka bindur plotësisht me atë çfarë ka shfaqur në fushën e lojës. Deri tani ka shënuar 7 gola dhe ka dhënë 5 asist, statistika të dobëta, por ajo aqë habit më shumë është mungesa e asaj ‘ligësisë’ para portës dhe që është përsëritur shpesh në ndeshjet vendimtare. Përvec ndeshjes ndaj një Napoli që nuk është në formën e tij më të mirë, David nuk ka lënë gjurmë në asnjë ndeshje të rëndësishme, dicka që nuk mund të të falet nëse je qendërsulmuesi i Juventusit, sidomos ndaj Juventusit aktual që e ka të vështirë të shënojë. Edhe në mbrëmjen e së mërkurës, kanadezi pati një shans të artë nga shumë pranë portës por u ngatërrua me këmbët e veta dhe coi dëm gjithcka. është e vërtetë që të gjithëve iu jepet kohë në fillim të sezonit, por tanio edhe Spalletti pret përgjigje.
Edon Zhegrova. Nga një gabim i tij me portën praktikisht bosh, erdhi eliminimi i Juventusit. Futbollisti dardan u gjend në vendin e duhur, në momentiun e duhur duke derguar në mënyrë të çuditshme jashtë një top të marrë nga McKennie. Por përveç këtij episodi, ajo që të bie më shumë në sy është vështirësia që ka ai të bëjë zgjedhje, një karakteristikë që e ka edhe Conceiçao. Zhegrova është gjithnjë i dashuruar pas topit dhe shpesh teksa kërkon të bëjë gjëra të mëdha, harron të bëjë ato më të thjeshtat. Ndonjëherë mjafton një dribling dhe një prekje më pak e topit për të vendosur shokët e skuadrës në pozita për të goditur portën kundërshtare. Duket një futbollist i formuar përgjysmë; shkatërrimtar në kontrollon e parë te topit që e vë gjithnjë në vështirësi kundërshtarin, por shumë pak konkret në zgjedhjet vendimtare. Me siguri as aktivizimi jo i vazhdueshëm nuk ka ndihmuar. Spalletti uron që mund të jetë një element i vështirë në fazën finale të sezonit me bardhezinjtë që duan të kualifikohen për në Ligën e Kampioneve.
Jeremie Boga. Nëse David dhe Zhegrova janë blerjet e merkatos së verës, ndryshe mund të thuhet për Jeremie Boga. I ardhur në merkaton e janarit për të qenë zëvendësi i Yildiz, futbollisti nga Bregu i Fildishtë, po gjen hapësira, por pa bindur plotësisht. Nga një gabim i tij, lindi goli i Osimhen, një gabim që Spalletti nuk e pëlqeu aspak dhe që u bë bashkë me Adzic. Sigurisht ai duhet ende të integrohet, por në mbrëmje si ajo në Allianz Stadium dhe duke qenë se skuadra ishte në inferioritet numerik, precizioni teknik bëhet thelbësor. Disa gabime në nivele të tilla paguhen shtrenjtë. Ai që duhet pranuar për ish futbollistin e Nice, është impenjimi i tij. Gjithnjë kërkon të jetë gati, disa herë duke ia dalë mbanë, disa herë të tjera, më pak. Sigurisht që tifozët, por ndoshta edhe Spalletti prisnin përforcime më të rëndësishme në merkaton e janarit duke nisur nga një sulmues që është në gjendje që të godasë mbrojtjet kundërshtare në momente vështirësie.
Kështu, tani kur ka mbetur vetëm kampionati për t’u luajtur, topi kalon edhe në fushën e drejtuesve të klubit, të cilët që nga ky moment deri në qershor do të ketë të gjithë kohën e nevojshme për të planifikuar sezonin e ardhshëm; në këtë moment siguria e Juventusit quhet Luciano Spalletti dhe pikërisht nga trajneri toskan duhet nisur gjithçka për të krijuar një cikël të ri stabël, të qëndrueshëm dhe fitues.
