Është identifikuar personi i tretë në atentatin mafioz në Athinë, ku mbeti i vrarë Irakli Davella dhe u plagos Edi Lolo. Ky i fundit ndodhet në gjendje të rëndë.
Sipas raportimeve, së bashku me 45-vjeçarin që humbi jetën dhe Edi Lolon, 46 vjeç, ka qenë edhe një person që nuk është prekur nga plumbat.
Siç shkruajnë mediet e huaja, është identifikuar mbrëmjen e kësaj të hëne personi që ndodhej në kafe me Irakli Davella dhe Edi Lulo alias Etmond Hysa.
Bëhet fjalë për një person me precedentë penalë në Greqi, i përfshirë në çështje gjobvënieje dhe vjedhje.
Policia greke ka nisur kërkimet për të me qëllim që t’i marrë dëshminë. Kërkime njëkohësisht po bëhen edhe për mjetin tip “Polo” që dyshohet se është përdorur nga autorët.
