Sunday, November 15, 2026
  • Login
Maska.al
Advertisement
  • Kryesore
  • AKTUALITET
  • POLITIKE
  • Ekonomi
  • BOTË
  • Rajoni
  • SOCIALE
  • OP-ED
  • SHOWBIZ
  • Sport
  • Kendi i Avokatit
No Result
View All Result
  • Kryesore
  • AKTUALITET
  • POLITIKE
  • Ekonomi
  • BOTË
  • Rajoni
  • SOCIALE
  • OP-ED
  • SHOWBIZ
  • Sport
  • Kendi i Avokatit
No Result
View All Result
Maska.al
No Result
View All Result
Home AKTUALITET

I “rrëmbeu” ujin Mezhgoranit/ KLSH gjen “mal” me shkelje tek resorti i Hakos. Tërmet Peçi mbylli sytë

Redaktor Redaktor by Redaktor Redaktor
in AKTUALITET, KRONIKE, KRYESORE, POLITIKE
0
I “rrëmbeu” ujin Mezhgoranit/ KLSH gjen “mal” me shkelje tek resorti i Hakos. Tërmet Peçi mbylli sytë
0
SHARES
Share on FacebookShare on Twitter

Nga Boldnews.al

Për disa vite me radhë, banorët e Mezhgoranit, në Tepelenëë, kundërshtonin projektin e Bashkisë dhe Fondit Shqiptar të Zhvillimit për ndërtimin e një ujësjellësi në zonën e Peshtanit. Ata nuk ishin kundër investimit. Por, e kishin kuptuar më së miri se projekti nuk lidhej me përmirësimin e situatës së banorëve, por me kanalizimin e ujit drejt një resorti privat.

Pavarësisht protestave të shpeshta, projekti i vitit 2021 për “Ndërtimin e rrjetit të furnizimit me ujë të fshatit Peshtan-Mezhgoran”, me kosto rreth 2 milionë euro, ka avancuar, megjithëse me ngadalë, për shkak të kundërshtive të banorëve.

Në foto: Pamje nga protestat e banorëve të fshatit Mezhgoran

Kontrolli i Lartë i Shtetit, në një Audit Përputhshmërie të krye në Bashkinë Tepelenë, konstaton se ujësjellësi nuk është përfunduar, ndërkohë që janë kryer pagesat në shumën 64 milionë lekë të reja për kompanitë ndërtuese “2T shpk” dhe “G.P.G Company”.

Për KLSH-në, ky shpenzim është tërësisht pa ekonomicitet, pasi vepra publike nuk është përfunduar. Audituesit shtetërorë i rekomandojnë Bashkisë së Tepelenës që “të marrë masa për ngritjen e një grupi pune për të evidentuar shkaqet dhe personat përgjegjës, që kanë sjellë përdorimin pa eficiencë të buxhetit të Autoritetit Kontraktor në vlerën 63,989,574.84 lekë pa TVSH të paguara për punime që nuk kanë prodhuar efektin e pritshëm në objektin e mësipërm”.

Investimi problematik për ujësjellësin Peshtan-Mezhgoran është njëra anë e problemit. KLSH ka kryer verifikime të thelluara edhe mbi “shkakun” e vonesës në zbatimin e projektit-resortin “Hako”, i cili është bërë shkak për reagimin e banorëve.

Kontrolli ka zbuluar një “mal” me shkelje në ndërtimin e “Agro resort Peshtan”, që po ndërtohet nga shoqëria në pronësi të sipërmarrësit, Adnan Hako. Janë shkelje, për të cilat ish-kryetari i Bashkisë, sot deputet i Partisë Socialiste, Tërmet Peçi, ka mbyllur sytë totalisht.

Resorti i “Hako-s”

Në Korrik të vitit 2022, Komiteti i Investimeve Strategjike (KIS), i drejtuar nga Kryeministri Edi Rama, i dha statusin e “investitorit strategjik” projektit “Zagroturizëm”, një projekt i propozuar nga një kompani me të njëjtin emër, në pronësi të Adnan Hako, i njohur më shumë për prodhimin e produkteve të sallamërisë.

Sipas vendimit, projekti përfshin ndërtimin e një hoteli me 62 dhoma, në një sipërfaqe totale prej 14 mijë metra katrorë, në zonën e Peshtanit, në Tepelenë.

Në foto: Vendimi për statusin e investitorit strategjik për projektin “Zagroturizëm”, Peshtan

Gjithashtu, sipas aktit të firmosur nga Edi Rama, projekti përfshinte edhe ndërtimin e një vreshti, një kantine, ambjente shlodhëse dhe disa vila druri, në një sipërfaqe totale prej 32 mijë metra katrorë. Vlera e projektit parashikohej rreth 5.5 milionë euro.

Procedurat për zbatimin e projektit ishin pjesë e verifikimeve të kryera nga Kontrolli i Lartë i Shtetit gjatë auditimit në Bashkinë e Tepelenës.

Shkeljet

KLSH ka renditur një dyzinë shkelje të ndryshme, të cilin nisin nga statusi i paqartë i pronësisë mbi tokën ku është miratuar projekti, e deri tek problematika me projektin arkitektonik, furnizimin me ujë të pijshëm e energji elektrike.

Pronësia

KLSH-ja thotë se pronësia e truallit ku është ndërtuar “Resorti Agroturistik Peshtan” ka problematika të konsiderueshme.

“Dokumentet e pronësisë nuk janë ngarkuar të noterizuara, nuk është marrë siguri e lartë se mbi pronën në zhvillim nuk janë kryer transaksione ose tjetërsime. Shtatë nga njëmbëdhjetë (23; 34; 27; 24; 25; 26/1; 26/2) nga pasuritë që marrin pjesë në zhvillim nuk gëzojnë dokumentacionin përfundimtar të pronësisë, por janë të pajisura me: “Certifikatë për vërtetim titulli “Në përdorim” apo “Certifikatë regjistrimi “Përdorimi”. Në dy raste (23; 25; 34), dokumentet e pronësisë nuk janë të rifreskuar përgjatë tre muajve të fundit”, thuhet në Raportin e Auditimit.

Në foto: Pjesë nga Raporti i KLSH-së për shkeljet e evidentura në projektin “Agro resort Peshtan”

Për të pasur një panoramë më të qartë të kësaj problematike, mund të risillet në vëmendje ndërhyrja qeveritare në zonën e Thethit, në verën e vitit 2025.

Kryeministri Rama e mbrojti ndërhyrjen e fadromave të Inspektoratit Ndërtimor Urbanistik Kombëtar (IKMT) në zonën veriore të Thethit, me argumentin se ndërtuesit e bujtinave të ndryshme nuk kishin akte pronësie mbi tokën.

Banorët e Thethit e kundërshtuan aksionin qeveritar, me argumentin se trualli ishte pronë e tyre, e njohur brez pas brezi. Por, për qeverinë, përsa kohë nuk kishin akte pronësie, trualli nuk ishte i tyre dhe ndërtimet quheshin të paligjshme.

Pra, në Theth, ligji veproi me “forcën maksimale”. Ndërsa, në Tepelenë, për resortin e Hako-s, problematikat me pronësinë, të identifikuara nga KLSH-ja, u anashkaluan.

Projekti

KLSH-ja thotë se projekti arkitektonik i “Agro resort Peshtan” nuk është i plotë, pasi mungojnë dy prej fasadave teknike të objektit. Gjithashtu, mungojnë pjesë të projektit për mbrojtjen nga zjarri, hidrosanitar dhe atij elektrik.

Audituesit shtetërorë kanë konstatuar se projekti hidrosanitar është i paplotë, pasi mungon lidhja me rrjetin e qytetit për furnizimin me ujë. Po ashtu, mungojnë pajisjet rrufepritëse, detajet e instalimeve elektrike, etj.

Përgjegjësia e Tërmet Peçit

Pasi kryen listin e shkeljeve në projektin “Agro resort Peshtan”, Kontrolli i Lartë i Shtetit arrin në konkluzionin se përgjegjësia për to është e “z. T.P, me funksion kryetar bashkie, aktualisht i larguar”.

Në foto: Tërmet Peçi dhe kryeministri Edi Rama

Pavarësisht se në Raportin e KLSH-së, “kryetari i bashkisë i larguar”, identifikohet me inicialet T.P, është e qartë që bëhet fjalë për Tërmet Peçin, i cili ka qenë në këtë funksion gjatë viteve 2021-2025, kohë kur është miratuar dhe zhvilluar investimi i kompanisë “Zagroturizëm” të Adnan Hakos.

Tërmet Peçi ka ushtruar detyrën e kryetarit të Bashkisë së Tepelës prej vitit 2011. Në vitin 2025 ai dha dorëheqjen për të kandiduar për deputet, si pjesë e listës së Partisë Socialiste në pushtet. Ai vijon të jetë në detyrën e ligjvënësit.

Previous Post

Kush do të ketë fat në dashuri dhe kush duhet të bëjë kujdes me financat? Horoskopi i 15 nëntorit

Next Post

Lagështira kërcënon Amfiteatrin e Durrësit, nisin punimet restauruese

Next Post
Lagështira kërcënon Amfiteatrin e Durrësit, nisin punimet restauruese

Lagështira kërcënon Amfiteatrin e Durrësit, nisin punimet restauruese

Ernest Muçi shkëlqen me fanellën kuqezi
KRYESORE

Ernest Muçi shkëlqen me fanellën kuqezi

by Pali
November 12, 2026
0

Kombëtarja ka marrë një fitore të rëndësishme ndaj Finlandës, duke hedhur një tjetër hap të madh drejt objektivit në Ligën...

Read moreDetails
Një tjetër sukses kuqezi, Lara Colturi triumfon me podium në pistat e Finlandës

Një tjetër sukses kuqezi, Lara Colturi triumfon me podium në pistat e Finlandës

November 14, 2026
Rrëfehet për herë të parë Jonida Maliqi: Djali im ishte ndryshe nga fëmijët e tjerë! Doja t’i jepja fund jetës

Rrëfehet për herë të parë Jonida Maliqi: Djali im ishte ndryshe nga fëmijët e tjerë! Doja t’i jepja fund jetës

February 27, 2026
Shkarkohet Ilir Topi/ Ish-drejtuesja e CFO Pharma, Rexhina Bici pritet të drejtojë Fondin e Sigurimeve

Shkarkohet Ilir Topi/ Ish-drejtuesja e CFO Pharma, Rexhina Bici pritet të drejtojë Fondin e Sigurimeve

September 24, 2026
PROPAGANDA ROZE DHE REALITETI I ZI I ONKOLOGJIKUT /Mbyllet “Tetori Rozë” me fushata fasadë, QSUT prej një muaji pa ilaçin jetik Phesgo: Pacientet me kancer gjiri lihen pa trajtim

PROPAGANDA ROZE DHE REALITETI I ZI I ONKOLOGJIKUT /Mbyllet “Tetori Rozë” me fushata fasadë, QSUT prej një muaji pa ilaçin jetik Phesgo: Pacientet me kancer gjiri lihen pa trajtim

November 9, 2026
Facebook TikTok
Maska.al

Maska.al

Tel: 0696118290
Email: [email protected]

Shfletoni sipas Kategorisë

Lajmet e fundit

Luiza Gega triumfon në Maratonën e Tiranës, fiton garën e femrave

Luiza Gega triumfon në Maratonën e Tiranës, fiton garën e femrave

November 15, 2026
“1 mijë orë filmime erotike”, Majko paralajmëron skandalin brenda PS-së: Jepni dorëheqjen para se të dalin!

“1 mijë orë filmime erotike”, Majko paralajmëron skandalin brenda PS-së: Jepni dorëheqjen para se të dalin!

November 15, 2026

© 2023 Maska.al

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Kryesore
  • AKTUALITET
  • POLITIKE
  • Ekonomi
  • BOTË
  • Rajoni
  • SOCIALE
  • OP-ED
  • SHOWBIZ
  • Sport
  • Kendi i Avokatit

© 2023 Maska.al