Një 25-vjeçar shqiptar është arrestuar nga policia në Itali, i akuzuar si pjesë e një rrjeti të trafikut të kokainës.
Rreth orës 01:00 të mëngjesit më 6 shkurt, policia lokale e Rovatos vendosi të kontrollonte një makinë të parkuar në një parking në Via XXV Aprile, me vetëm një person brenda, që e arrestuan më pas.
Makina ishte e drejtuar nga një shtetas shqiptar 25-vjeçar, banues në Palazzolo sull’Oglio . Që në minutat e para të kontrollit, i riu dukej i shqetësuar, një sjellje që ngjalli dyshime tek oficerët, veçanërisht duke pasur parasysh se automjeti ndodhej në një zonë me përqendrim të lartë vendesh publike.
Sipas një deklarate, kontrolli pasues çoi në zbulimin e njëzet dozave kokainë dhe 1,600 eurove në para të gatshme, të ndara në kartëmonedha të vogla. Shqiptari u arrestua me akuzat për trafik droge.
I sjellë para një gjyqtari këtë mëngjes për një seancë të shkurtër dëgjimore, arrestimi u vërtetua. Në pritje të gjyqit, 25-vjeçari u urdhërua të paraqitej në policinë gjyqësore në stacionin lokal të policisë.
