Apeli i Posaçëm ka rikthyer në burg ish-zyrtarin e Kadastrës së Fierit, Endri Ngresi.
Ngresi, është dënuar me 3 vjet burg për veprën penale “Korrupsioni pasiv i personave që ushtrojnë funksione publike” ne korrik të vitit 2024 nga GJKKO.
Pasi kreu një pjesë të dënimit ai kërkoi lirim me kusht nga Gjykata e cila e pranoi kërkesën. Por SPAK e apeloi ketë lirim para kohe në Gjykatën e Posacme të Apelit. Kjo e fundit vendosi rikthimin e tij në qeli për të vuajtur edhe pjesën tjetër të dënimit.
Ish-zyrtari i Kadastrës (ASHK) së Fierit dhe dy qytetarë që u akuzuan se dhanë ryshfet 2 mijë euro për një legalizim banese u dënuan me gjthsej 4 vjet burg në korrik të vitit 2024.
Ish-zyrtari u dënua edhe me përjashtim për 5 vitet e ardhshme nga çdo funksion publik.
