Lidhur me operacionin policor të zhvilluar mesditën e djeshme tek zyrat qëndrore të kompanisë Bankers Petroleum, pritet që rreth mesditës së sotme prokuroria Fier të dalë në një komuninatë për shtyp.
Raportohet se hetimi ka nisur nga një ankesë e kryer nga disa firma që kanë kryer punime si nënkontraktorë në kompaninë Bankers, por nuk janë paguar dhe meqënëse kompanisë Bankers i mbaron kontrata e shfrytëzimit të vendburimit të naftës në Marinzë këtë vit, kanë pasur frikë se me largimin e saj firmat mbeten pa u paguar për punimet e kryera.
Burime bëjnë me dije se prokuroria Fier ka kryer kontrolle të imtësishme ku ka sekuestruar shkresa, por edhe tre servera të kompanisë Bankers.
Burime për mediat bëjnë me dije se në total janë lëshuar 14 urdhër-arreste, ku janë ekzekutuar 10 prej tyre. Në pranga mësohet se kanë përfunduar CEO kinez i Bankers, Hongping Xiao dhe ish-CEO, Leonidha Çobo.
