Një grua ka tentuar të djegë veten me benzinë në kryqytet.
Policia njofton se ngjarja ka ndodhur në rrugën “Haxhi Hysen Delliu”, por pas ndërhyrjes së policisë ngjarja është parandaluar në kohë.
“Në rrugën “Haxhi Hysen Delliu”, një 54-vjeçare ka tentuar të dëmtojë veten, me lëndë djegëse (benzinë), veprim i cili është parandaluar në kohë, nga shërbimet e Policisë”, thuhet në reagimin e policisë.
Materialet procedurale iu referuan Prokurorisë së Tiranës, për veprime të mëtejshme.
