Një sherr mes dy të burgosurve, një greku dhe një shqiptari, ka përfunduar me vrasjen e këtij të fundit në burgun e Koridhalos.
Sipas mediave greke, dy të dënuarit janë përfshirë fillimisht në një konflikt banal, për arsye që ende nuk janë bërë të ditura. Gjatë përleshjes, i burgosuri grek ka nxjerrë një mjet prerës dhe ka goditur disa herë shqiptarin, duke i shkaktuar vdekjen në vend.
Autori i dyshuar ka mbetur i plagosur lehtë dhe ndodhet nën mbikëqyrje mjekësore, ndërsa është arrestuar menjëherë nga autoritetet e burgut.
Sipas informacioneve paraprake, si autori ashtu edhe viktima ndodheshin në burg për vepra për vrasje.
