Protestës qytetare kundër qeverisë i janë bashkuar këtë të mërkurë edhe gjimnazistët, pas studentëve që dolën në rrugë për të kundërshtuar politikat e qeverisë dhe dhunën policore.
Nxënës të gjimnazit “Partizani” në Tiranë kanë bojkotuar mësimin, duke dalë në protestë dhe bllokuar qarkullimin e automjeteve në rrugën “Tafaj”.
Protesta e gjimnazistëve vjen në një kohë kur studentët kanë njoftuar një tjetër tubim para Ministrisë së Arsimit, në orën 14:00, pas përplasjeve me policinë një ditë më parë.
