Reperi i njohur Getinjo, nga Ferizaj, ka tërhequr vëmendjen e ndjekësve pas disa pamjeve që shpërndau në rrjetet sociale, ku shihet i shoqëruar nga policë në një aeroport.
Videoja, e publikuar në profilin e tij në Instagram, ka ngjallur menjëherë reagime dhe spekulime nga fansat, duke i vënë të gjithë në pritje të një shpjegimi.
Në pamjet e shpërndara, Getinjo duket i qetë dhe e ka marrë gjithë situatën me sportivitet. Në sfond dëgjohet kënga “P9”, bashkëpunimi i tij me Mozzik, një detaj që ka shtuar përshtypjen se nuk ka pasur ndonjë tension të dukshëm nga ana e reperit.
Deri më tani nuk ka pasur asnjë deklaratë zyrtare nga vetë reperi apo nga autoritetet për arsyen e ndalimit ose shoqërimit nga policia. Nuk dihet nëse bëhet fjalë për një kontroll rutinë, verifikim dokumentesh apo ndonjë procedurë tjetër standarde sigurie, por pamjet kanë nxitur menjëherë spekulime nga ndjekësit dhe mediave.
Fansat kanë reaguar me komente të shumta, duke shprehur kureshtje dhe shqetësim, ndërsa reperi duket se nuk ka dashur të japë detaje shtesë për momentin. Mbetet për t’u parë nëse Getinjo do të ndajë më shumë informacion me publikun ose nëse situata ka qenë thjesht një kontroll rutinë.
