SHISH dhe Drejtoria e Parandalim-Pastrimit të Parave, ia referuan për ndjekje penale Prokurisë së Tiranës, me prova, se vlera 25 milionë Euro është nxjerrë jashtë Shqipërisë dhe është përdorur për fajde te biznese shqiptare, por për këtë informacion nuk nisën hetime…
Përveç rolit si “lavatriçe” i miliardave të Ilir Metës në ndërtime vilash, pallatesh, kullash e resortesh, nëpërmjet kompanisë “Agi Kons Shpk” me Monika e Fatime Kryemadhin, oligarku Gentian Astrit Sula (Sulo) ka përdorur dhe disa kompani të tjera të tij, për të fshehur bilancet dhe transferuar miliona Euro në Mal të Zi, Kosovë, Maqedoni e Greqi.
Një prej këtyre kompanive është “Albdesing Sh.p.k” me objekt shtypshkrime, reklama, media, administrim të pasurive, import- eksport ushqimesh etj., të transferuar te i vëllai Elvis Sula, me të cilin, oligarku Gentian Sula, bëri dhe një transaksion të shitjes fiktive të kompanisë “Agi Kons Sh.p.k”, por e mori përsëri në pronësi.
Në dokumentet zyrtare të Qendrës Kombëtare të Biznesit që disponon “Pamfleti”, thuhet se me vendim të pronarit të vetëm Gentian Sula më 29 dhjetor 2016, u autorizua shtetasi Erion Tafaj, të mbyllte llogarinë e kompanisë “Albdesing Sh.p.k” me Nr. AL41902112090201230011736922 në “Alpha Bank” ku edhe Rezart Taçi trasferonte milionat e mafies italiane.
Në pikën 2 të vendimit, Erion Tafaj, i deklaruar “Person i besuar”, u autorizua të tërhiqte Cash (dorazi) gjithë sasinë e depozitës së kompanisë “Albdesing Sh.p.k”, që sipas raportit të SHISH Nr..1334/2-Z, ishte në vlerën 25 milionë Euro, depozituar pa burim të ardhurash.
Sipas ligjit, kjo vlerë financiare duhej transferuar në një bankë tjetër ku ka llogaritë Gentian Sula, por ajo u tërhoq dorazi e nuk është depozituar në asnjë bankë tjetër, megjithëse ishte mbi vlerën 20 mijë Euro.
Këtë rast, SHISH dhe Drejtoria e Parandalim-Pastrimit të Parave, ia referuan për ndjekje penale Prokurisë së Tiranës, me prova, se vlera 25 milionë Euro është nxjerrë jashtë Shqipërisë dhe është përdorur për dhënie me fajde te biznese shqiptare, por nuk nisën hetime. Sipas të dhënave zyrtare, Erion Tafaj, i autorizuari për mbylljen e llogarisë në “Alpha Bank” dhe tërheqësi i thasëve me 25 milionë Euro të Gentian Sulës, prej muajit qershor 2020 është Drejtor Ekonomik, i Burimeve Njerëzore e Shërbimeve Mbështetëse në Gjykatën Kushtetuese, emëruar me ndërhyrje të Ilir Metës e lobim financiar të Gentian Sulajt.
Ky tipi, i deklaruar “Person i besuar” nga Gentian Sula, si mik i afërt i gruas së tij Gentiana Sula shefe e dosjve të ish-spiunëve, u emërua administrator i kompanisë “Albdesing Sh.p.k” në datën 3 maj 2016, në vend të Elvis Sulajt, vëllait të Gentianit.
Ndërsa në datën 7 korrik 2017, vetëm 6 muaj pasi mbylli llogarinë bankare dhe tërhoqi milionat me thasë, Gentian Sula e largoi nga posti administrator, megjithëse e kishte mandatin deri në datën 3 maj 2021.
Por në lojën për të fshehur aktivitetin, për të transferuar kapitalet, për bilancet false dhe pezullim- hapjen e aktivitetit të kompanisë “lavatriçe” Albdesing Sh.p.k, oligarku Gentian Sula, ka përdorur dhe një zyrtar tjetër shteti të deklaruar “Person i besuar”.
Ky është Enel Çinije, me detyrë Drejtor i Përzgjedhjes, firmosjes dhe kontrollit të kontratave për fondet bujqësore IPARD të BE e qeverisë në AZHBR, me të cilin, çifti oligarkik mafioz Gentian e Gentiana Sula, ka bërë shumë zullume. Kaq për sot!/Pamfleti
