Një person është gjetur i varur në një objekt biznesi familjar në fshatin Mleqan të Malishevës, sot rreth orës 15:20.
Siç po raportojnë mediat, personi që është gjetur i varur dyshohet se është Lulzim Kryeziu, pronari i kompanisë së derivateve ‘Shell Kosova’. transmeton lajmi.net.
Megjithatë lajmi.net nuk ka arritur ta konfirmojë këtë informacion në mënyrë të pavarur.
Lajmin se një person është gjetur i varur në një objekt biznesi e ka konfirmuar Sheremet Elezaj, zëdhënës i policisë për rajonin e Gjakovës.
“Sot rreth orës 15:20 kemi pranuar informatë se në fshatin Mleqan-Malishevë, viktima mashkull i moshës madhore është gjetur i varur në një objekt biznesit familjar. Njësitet e nevojshme policore kanë dalë në vendin e ngjarjes si dhe ekipi mjekësorë të cilët kanë konstatuar vdekjen e viktimës. Lidhur me rastin është njoftuar edhe prokurori i shtetit në koordinim me të cilit janë duke u ndërmarrë të gjitha veprime e nevojshme hetimore”, ka thënë Elezaj.
