Një 25-vjeçar shqiptar është ekzekutuar me armë zjarri në Montecalvoli, në komunën Santa Maria a Monte, Itali, në orët e para të mëngjesit të së shtunës, (14 shkurt).
Viktima, identifikuar si Kevin Muharremi, banues në Fucecchio, po kthehej nga një mbrëmje me dy miq kur makina e tij u ndalua nga një automjet tjetër.
Autorët qëlluan disa herë, dhe një prej plumbave goditi 25-vjeçarin në qafë, duke i marrë jetën menjëherë.
Sipas mediave italiane, atentati ndodhi rreth orës 05:30 në via della Repubblica, në qendër të zonës së banuar, përballë një bari dhe pranë selisë së Misericordia-s së Montecalvolit.
