Detaje të rënda kanë dalë nga krimi që kreu Pandeli Nakoleci, 40-vjeçari që masakroi me thikë bashkëshorten e tij, Marjola Nakoleci, në Greqi.
Motra e 36-vjeçares që u vra nga bashkëshorti në Volos foli për abuzimin që viktima përjetoi në martesën e saj. Siç zbuloi ajo, Marjola duroi dhunë fizike dhe seksuale, pasi bashkëshorti e përdhunonte dhe e linte shtatzënë, në mënyrë që të mos divorcohej.
“Ajo shkonte dhe bënte aborte shpesh,” tha ajo, duke theksuar se 40-vjeçari e kërcënoi se “nëse divorcohej prej tij, ai do të bënte më keq”.
Sipas saj, çifti u takua në një moshë të re. Megjithatë, sjellja e burrit ndryshoi në mënyrë dramatike kur ata patën fëmijë.
“Kur ai pati fëmijë, ai ndryshoi. Ai u bë abuziv, e rrihte,” tha motra e 36-vjeçares, duke folur për Alpha.
Motra e viktimës zbuloi se familja e dinte për abuzimin, por nuk paraqiti ankesa tek autoritetet.
“Për shumë vite nuk folëm dhe është faji ynë. Sepse i thoja motrës sime të divorcohej prej tij, por ajo kishte frikë. Bëra gjithçka që munda për ta ndihmuar, me para, por ajo nuk mundi të përballonte,” tha ajo. “Ai u thoshte fëmijëve ‘qëndroni larg, mbylleni gojën’ dhe e rrihte para tyre”, shtoi motra e 36-vjeçares.
