Një aksident i rëndë rrugor është shënuar pasditen e sotme në aksin Tepelenë–Krahës, në afërsi të fshatit Iliras.
Mësohet se dy automjete janë përplasur mes njëra -tjetrën teksa lëviznin në kahe të kundërta.
Përplasja ka qenë e fortë, duke shkaktuar lëndimin e tetë personave që ndodheshin në të dy mjetet.
Menjëherë në vendngjarje kanë mbërritur forcat e policisë rrugore, të cilat kanë nisur hetimet për të përcaktuar shkaqet dhe rrethanat e aksidentit.
Të plagosurit janë dërguar me urgjencë në Spitalin Rajonal të Gjirokastrës, ku sipas informacionit paraprak nga bluzat e bardha, ndodhen jashtë rrezikut për jetën dhe po marrin kujdesin e nevojshëm mjekësor.
