“Dorëzoni mandatet”, “Ju erdhi fundi!”, “Parlamenti i krimit”, “Rama jepe dorëheqjen”.
Këto janë disa nga thirrjet që protestuesit po lëshojnë në drejtim të deputetëve të Parlamentit të Shqipërisë, teksa kanë shkuar te Kuvendi, atje ku po mbahet seanca plenare.
Ata kanë devijuar marshimin, që ishte nisur drejt Kryeministrisë, për t’u stacionuar drejt Kuvendit.
Disa nga deputetët kanë dalë jashtë Kuvendit, teksa protestuesit u kanë zënë pritë nën thirrjet “Dorëzoni Mandatet”.
Kjo është protesta e 19 që mbahet në Tiranë, kundër qeverisë Rama dhe klasës politike.
