Partizani po fiton dhe është skuadra më në formë, por po vuan shumë dëmtimet. Në ndeshjen e djeshme munguan një pjesë e madhe e ekipit, teksa u shtuan edhe dy të tjerë.
Gazeta mëson se Alban Hoxha ka një shqetësim në shpatull dhe kjo nuk e ka lejuar të jetë i gatshëm në ndeshjen e djeshme. Gjithashtu Koçijan, i cili ishte projektuar titullar, ka shfaqur shqetësime në ditën para ndeshjes. Mbrojtësi ka pësuar një goditje të mëparshme në pjesën poshtë gjurit dhe së fundmi ajo është ënjtur dhe acaruar. Kjo e detyron kroatin të qëndrojë jashtë fushave për rreth 2 javë, ku do t’i nënshtrohet një terapie rikuperimi. Mba, Da Silva, Hadroj dhe Sota janë gjithashtu jashtë.
