Detaje të reja kanë dalë në dritë nga atenati I 11 Nëntorit, në Rrethrrotullimin e Rinasit, ku u vranë me armë zjarri Gilmando Dani dhe Mustafa Shaljani, i njihur si “Sheqeri”.
Ata sapo ishin kthyer nga Barcelona, ku persona ende të paidentifikuar u zunë pritë dhe zbrazën armën drejt tyre duke lënë të vdekur në vend Danin, ndërsa Shaljani ndërroi jetë pak ditë më vonë në spital.
Ndërkohë ditën e sotme bëhet me dije se autoritetet spanjolle u kanë kthyer përgjigje institucioneve shqiptare për lëvizjet e fundit të dy viktimave në Barcelonë, ndërsa konfirmohet se nuk rezultojnë me precedentë penalë vendin e huaj.
Gjithashtu thuhet se gjatë katër ditëve që ata qëndruan në Barcelonë, janë regjistruar si turistë dhe nuk disponojnë informacione apo prova që të kenë qenë të ndjekur apo të vëzhguar nga persona të tjerë.
Sipas raportimeve pistat hetimore të hetimit, çojnë në dyshimin se përgatitja e atentatit ka nisur në momentin kur Dani dhe Sheqeri janë nisur nga aeroporti i Rinasit drejt Barcelonës, më 7 nëntor. Dyshohet se autorët kanë qenë në dijeni të udhëtimit të tyre dhe kanë pritur rikthimin në Shqipëri për të vepruar.
