Prokuroria e Posaçme (SPAK) paraqiti kërkesë në gjykatë për të vazhduar dëshminë e të penduarve të drejtësisë me proces të mbyllur, pa praninë e mediave.
Kërkesa në fjalë ka shkaktuar irritim tek të pandehurit, të cilët e kanë kundërshtuar, duke theksuar se nuk ka asnjë arsye për të fshehur dëshmitë dhe se gazetarët duhet të qëndrojnë brenda sallës së gjykatës.
Njëri prej të penduarve, Petrit Çoli, ka kërkuar që dëshmia të jetë transparente dhe se nuk ka arsye ligjore për të mbyllur dyert.
“Dua që fjala ime të jetë transparente, seanca me dyer të hapura, media te jetë prezente në sallë. Avokatët, media është arbitri i dytë në këtë sallë gjykimi, pasi nuk ka shkaqe të ligjshme për të mbyllur dyert e gjykatës, kur i penduari i drejtësisë, ka dhënë më shume se gjysmën e dëshmisë”, ka thënë ai.
