Protestuesi Niko Qarkaj është transportuar me autoambulancë në spital nga ambientet e Bllokut të Sigurisë në rrugën “Mine Peza”, pak pasi avokati i tij ngriti shqetësime për gjendjen shëndetësore dhe pretendimet për dhunë.
Sipas avokatit Gentian Serjani, Qarkaj ka kundërshtuar masën e sigurisë dhe ka hyrë në grevë urie.
Ai gjithashtu vuan nga epilepsia dhe, gjatë një prej krizave që ka kaluar, ka deklaruar se është dhunuar nga efektivë të policisë.
Pavarësisht kërkesës së mbrojtjes ligjore për lirimin e tij, deri më tani nuk ka pasur një reagim zyrtar nga autoritetet.
