Aktorja Rudina Dembacaj është dënuar me 6 muaj burg pasi ka falsifikuar firmën e ish-bashkëshortit për të nxjerrë jashtë vendit vajzën.
Gjykata e Apelit ia ka konvertuar këtë dënim në 80 orë shërbim prove për shkak të rrezikshmërisë së ulët dhe dënimit nën 1 vit burg.
Ish-bashkëshorti i saj, Aleksandër Varfaj, e ka kallëzuar aktoren pasi ajo ka nxjerrë vajzën e tyre jashtë vendit duke falsifikuar ne dy raste prokurën.
Prokura, e cila duhet të ishte firmosur edhe nga i ati i vajzës, është falsifikuar, ndaj e bija ka dalë jashtë kufirit të vendit, pa dijeninë e të atit.
Ai thotë se në dy raste janë përdorur prokura të falsifikuara për të kaluar jashtë territorit të Shqipërisë vajzën e mitur me nënën e saj pa dijeninë dhe miratimin e tij.
