Nuk kanë fund tensionet në ‘Big Brother Vip Kosova’. Ndonëse në transmetim live në spektaklin e të hënës nuk u pa ky moment, mediat e Kosovës bëjnë me dije se mes Shqipes dhe Edonës ka patur një përplasje të ashpër që ka degraduar në dhunë.
Pas debatit mes tyre mësohet se Edona ka goditur me shishe uji Shqipen, moment që nuk u pa.
Theksojmë se Shqipja ka qenë së fundmi protagoniste në shtëpinë më të famshme pasi është përfshirë në debate të shumta, ndërsa pak ditë më parë rrëfeu dhe historinë e jetës së saj.
Dje teksa qëndronte në oborrin e shtëpisë me Albyn banorja është parë e përlotur, çka shpjegon më së miri tensionet mes saj dhe banorëve të tjerë në shtëpinë më të famshme.
