Një person është vrarë me armë zjarri paraditen e sotme në mes të qytetit, në një lokal pranë godinës së bashkisë, në Shkodër.
Burime bëjnë me dije se viktima është shtetasi Erogen Vaso, i cili mësohet se është qëlluar me breshëri plumbash nga persona ende të paidentifikuar.
Ndërkohë, mësohet se tre persona të tjerë kanë mbetur të plagosur.
Policia ka rrethuar zonën dhe ka nisur hetimet për zbardhjen e plotë të ngjarjes. Nuk dihen ende motivet e kësaj vrasjeje, ndërsa forcat e rendit po punojnë për identifikimin e autorëve dhe sigurinë e qytetarëve.
