Një ngjarje e rëndë është regjistruar mesditën e kësaj të mërkure në fshatin Domen të Shkodrës, ku një banesë është përfshirë nga flakët, me pasojë humbjen e jetës së tre personave.
Sipas informacionit paraprak të Policisë, rreth orës 13:10 ka rënë zjarr në banesën në pronësi të shtetasit B. Ç. Menjëherë pas njoftimit, në vendngjarje kanë mbërritur shërbimet e Policisë dhe forcat zjarrfikëse.
Nga veprimet e para hetimore dyshohet se, si pasojë e zjarrit, kanë humbur jetën një 24-vjeçare, si dhe dy fëmijët e saj të mitur, përkatësisht 3 vjeç dhe 1 vjeç e gjysmë.
Grupi hetimor, nën drejtimin e Prokurorisë, po vijon punën për të përcaktuar shkakun e zjarrit dhe për të dokumentuar plotësisht rrethanat e kësaj tragjedie.
