Kampionët e Besëlidhja, pas dy viteve të njëpasnjëshme si kampion absolut të Shqipërisë, janë gati për një sfidë të re: finalen e Ligës Unike, e cila luhet për herë të parë në Shqipëri.
Ngjarja do të zhvillohet më 25 mars, në orën 19:00, në Parkun Olimpik, në sallën “Feti Borova”, rruga “Liman Kaba” në Tiranë, me hyrje falas për të gjithë tifozët.
Organizatorët ftojnë qytetarët të mbështesin ekipin që ka bërë krenar jo vetëm qytetin e Lezhës, por të gjithë shqiptarët. Mesazhi është i qartë: një atmosferë e jashtëzakonshme, mbështetje për skuadrën dhe një festë e sportit kombëtar.
“Ky është një moment që na bashkon të gjithëve — një moment krenarie kombëtare. Sepse kur fiton Besëlidhja… fiton Shqipëria,” thonë organizatorët.
Njoftimi
Kampionët e Besëlidhjes pas një suksesi për 2 vite radhazi si kampion absolut të Shqipërisë, këtë herë synon të fitojë finalen e Ligës Unike që luhet për herë të parë në Shqipëri.
Ky është një moment që na bashkon të gjithëve — një moment krenarie kombëtare.
Ndaj, merr familjen dhe eja më 25 mars, në orën 19:00, në Parkun Olimpik, në sallën “Feti Borova”, rruga “Liman Kaba” në Tiranë, hyrja falas.
Eja dhe ndiq ekipin që nuk bën krenar vetëm qytetin e Lezhës… por çdo shqiptar.
Eja të mbështesim së bashku Besëlidhjen, me një atamosferë të jashtëzakonshme, në përballjen për finalen e më të mirëve.
Sepse kur fiton Besëlidhja… fiton Shqipëria.
