Kryedemokrati, Sali Berisha, ka denoncuar lidhjet direkte të kryeministrit Edi Rama me dosjen e Belinda Ballukut, duke theksuar se shumica dërrmuese e 6 mijë mesazheve lidhen personalisht me të.
Sipas Berishës, në tre rreshta të asaj dosje, dy janë akuzë direkt për Edi Ramën
“Dosja Balluku në fakt është dosja Rama. Ne 6 mijë mesazhe të asaj dosje, shumica dërrmuese lidhet direkt me Palloshin e gjatë dhe janë të tijat direkt. Në tre rreshta të asaj dosje, dy janë akuzë direkt për Edi Ramën”, tha Berisha.
Ai foli edhe për dosjen e AKSH-it, për të cilën u shpreh se është më kriminalja nga të gjitha. Sipas Berishës,
tenderët e AKSHI-t janë përdorur për përfitime qindra milionë euro, të cilat, siç tha ai, kanë përfunduar në llogari të lidhura me familjen e kryeministrit.
