Kreu i Koalicionit Euroatlantik, Lulzim Basha, dhe kandidatja për deputete, Taulanda Jupi, zhvilluan sot një takim me qytetarët në Njësinë 5 të kryeqytetit, ku theksuan rëndësinë e politikës së bazuar tek njerëzit dhe nevojën për ndryshim.
“Nuk ka zë më të fortë se ai i qytetarëve,” deklaroi Jupi në një postim në rrjetet sociale, duke ndarë edhe një video nga aktiviteti.
Sipas saj, politika nuk bëhet nga zyrat, por nga rruga, mes njerëzve dhe problemeve të tyre reale.
Postimi
Nuk ka zë më të fortë se ai i qytetarëve.
Sot, ecëm krah për krah nëpër rrugët e njësisë 5 në Tiranë. Dëgjuam zërin e njerëzve, ndamë ide, shpresë dhe vendosmërinë për një Shqipëri më të drejtë.
Sepse politika nuk bëhet nga zyra, por nga rruga, nga njerëzit, nga realiteti që jetojmë çdo ditë. E ardhmja fillon aty ku nis biseda e sinqertë.
