Një aksident rrugor ka ndodhur rreth orës 11:20 në kilometrin e 14-të të Rrugës së Kombit, ku dy automjete janë përplasur me njëri-tjetrin.
Për pasojë, gjashtë persona kanë mbetur të lënduar dhe janë transportuar menjëherë drejt spitaleve për të marrë ndihmën mjekësore.
Katër prej tyre po trajtohen në Spitalin e Rrëshenit dhe fatmirësisht ndodhen jashtë rrezikut për jetën.
Dy të plagosurit e tjerë janë dërguar në Spitalin e Traumës në Tiranë, ku sipas mjekëve, njëri prej tyre paraqitet në gjendje të rëndë shëndetësore.
Në vendin e ngjarjes kanë mbërritur efektivët e Policisë dhe grupi hetimor, të cilët po punojnë për të sqaruar rrethanat dhe shkaqet që çuan në aksident.
