Të shtëna me armë zjarri janë regjistruar mëngjesin e sotëm në Kurbin. Ngjarja dyshohet se ka ndodhur pas një tentative për grabitje.
Mësohet se gjatë shkëmbimit të zjarrit ka mbetur i plagosur edhe një polic.
Në vendngjarje ka mbërritur edhe drejtori i Përgjithshëm i Policisë së Shtetit, Muhamet Rrumbullaku.
Të shtënat me armë gjatë tentativës së grabitjes, përsëriten pas ngjarjes në Prush të Tiranës, ku pesë grabitës tentuan të grabisin një shtëpi dhe teksa janë larguar kanë shtënë me armë zjarri ndaj uniformave blu.
