Mauricio Pochettino, trajneri i Chelsea-t, vijon të kursejë Armando Brojën, mbase nuk është ende në kushte për të luajtur 90-minuta, por ylli kuqezi mbetet një nga opsionet më të mira të teknikut argjentinas në fazën sulmuese. I hedhur në fushë si zëvendësues në minutën e 77-të, Broja bëri më mirë se sa pjesa tjetër e sulmueseve që luajtën nga minuta e parë. “Bomberi” kuqezi flirtoi me golin në fund, për fat të keq goditja e tij me kokë u përplas në shtyllë, një shans i artë për të shmangur humbjen përballë Man.United.
Në çdo rast që Broja ka zbritur në fushë, ka qenë gjithnjë një rrezik konstant. Në përfundim të sfidës, Pochettino u ndal pikërisht te fakti që ekipi i tij nuk arrin të shfrytëzojë rastet që krijon: “Mendoj se krijuam mjaftueshëm raste për të marrë diçka nga kjo sfidë. Ne barazuam shifrat në 1-1 në pjesën e parë, por më pas duhet të kishim shënuar ndonjë gol më shumë, duket të kishim më të qartë, mendoj se ky është problemi”, u shpreh Pochettino.
Sipas Sofascore, Broja vlerësohet me notën 6.8. nota e dytë më e lartë nga reparti ofensivë, vetëm Palmer, autori i golit u vlerësua më lart, 7,1.
