Ka nisur grumbullimi i qytetarëve para Ministrisë së Arsimit, në pritje të protestës së paralajmëruar për orën 14:00. Forcat e policisë janë pozicionuar pranë godinës, ndërsa autobotët janë vendosur në rrugë.
Protesta e sotme vjen një ditë pas tubimit kombëtar, i cili u shoqërua me përplasje të forta mes protestuesve dhe efektivëve të policisë.
Gjatë incidenteve të së djeshmes, 23 persona mbetën të plagosur. Mes tyre ishte edhe 28-vjeçari Erjon Vishkulli, i cili u godit në sy nga një plumb gome.
Ndryshe nga situata e tensionuar e një dite më parë, deri në këto momente, para Ministrisë së Arsimit nuk raportohen incidente dhe gjendja paraqitet e qetë, ndërsa pritet zhvillimi i protestës.
