Në kulmin e debatit lidhur me marrëveshjen mes Kryeministrit Edi Rama dhe homologes italiane, Giorgia Meloni, për ngritjen e një kampi refugjatësh në Shëngjin, ku priten të akomodohen emigrantë të paligjshëm që do të kapen në brigjet italiane, një prej kryebashkiakëve të mbështetur nga ish-Kryeministri Sali Berisha në zgjedhjet e 14 majit, i është drejtuar me një letër zyrtare kreut të qeverisë.
Hil Curri, Kryetari i Bashkisë së Fushë-Arrëzit, nuk ëhstë mjaftuar vetëm me Ramën, por ia ka drejtuar letrën edhe Ambasadorit të BE në Shqipëri, Luigi Soreca, përfaqësuesit të UNHCR në Shqipëri, Toshitsuki Kaëauchi, ministrit të Brendshëm, Taulant Balla, dhe ministrit të Jashtëm Igli Hasani, ku shpreh dëshirën që të presë në këtë qytet refugjatët që pritet të mbërrijnë në vendin tonë pas marrëveshjes me Italinë.
Në letrën zyrtare, kreu i Fushë Arrëzit Hil Curri, i cili doli nga koalicioni “Bashkë Fitojmë”, shprehet ndër të tjera, se shpreh gatishmërinë për të “kontribuar në një përgjigje humanitare ndaj situatës aktuale që përfshin emigrantët që kanë gjetur strehim në Evropë”.
Nuk dihet nëse ky është një vendim personal i kryebashkiakut, sa mund të jetë konsultuar ai me grupimin që e mbështeti në 14 maj, por shumë prej deputetëve të rreshtuar në krah të Berishës, e kanë kundërshtuar marrëveshjen e Ramës me Melonin, duke e cilësuar madje edhe si cënim të sigurisë, nëse do të zbatohet.
“E kuptoj se Kryeministri i Shqipërisë, ne bashkëpunim me Kryeministren e Italise, eshte pajtuar qe te lejojè emigrantet nga Italia te qëndrojne ne kampe te vendosura ne Shqipèri, veçanèrisht ne disa bashki te zgjedhura.
Dua te shpreh gatishmërinë time dhe deshiren per te strehuar disa prej këtyre emigrantève ne territorin tonë. Fushe-Arrëzi eshtê nje komunitet qe mahnit me nje territor te bukur, qe na mundèson te ofrojmë strehim de mbështetje te pershtatshme per keta individë.
Bashkia jone ka nje histori te gjate tê mirëpritjes se vizitorève me duar te hapura. Une ndiej nje krenari te veçante per natyrën e ngrohte dhe mikpritèse te popullit tone, e cila ka qene nje karakteristike e kultures shqiptare per breza të terê. Eshte nje pjese e identitetit tone qe une konsideroj te shtrenjte dhe do te isha i nderuar te zgjeroj kete tradite per emigrantêt ne nevoje. Une jam i gatshèm te punoj ngushte me autoritetet perkatese per te siguruar mirèqenien dhe integrimin e emigrantève te vendosur nën kujdesin tone.
Për me tepër, komuniteti i Fushe-Arrezit eshte i gatshëm te japë nje kontribut pozitiv ne jetët e ketyre individeve duke u ofruar nje mjedis mbeshtetes ku ata mund te ndërtojnë jeten e tyre, të gjejne siguri dhe te kene qasje ne burimet e nevojshme. Bashkia jone eshte e gatshme te bashkëpunoje me qeverine, organizatat jofitimprurese dhe organet nderkombetare per te siguruar qè kêta emigrante te marrin ndihmen qe u nevojitet. Une kerkoj me respekt mundesine per tu angazhuar ne nje dialog konstruktiv me autoritetet relevante pèr te diskutuar detajet dhe logjistiken e strehimit te emigranteve ne Fushe-Arrez. Une jam i gatshēm te punoj me vendosmeri per te përmbushur te githa kerkesat e nevojshme dhe per te ofruar njè mjedis te sigurt, mikprites dhe mbeshtetes per këta individe.
Ju falënderoj per konsiderimin e propozimit tim he pres pergjigen tuaj. Bashkia Fushe-Arrez mbetet e perkushtuar per rolin tone ne mbeshtetjen e atyre ne nevoje he pèr te vazhduar traditën e pasur te mikpritjes shqiptare”, shkruan ai.
