Antwerp ka bërë detyrën në kampionatin belg, duke mundur 6-0 ST.Liege. Sulmuesi i Shqipërisë, Arbnor Muja la gjurmë në këtë ndeshje, duke dhuruar asist dhe duke shënuar një gol.
Në minutën e 33-të, Muja serviri Jurgen Ekkelenkamp për golin e 3-të të sfidës, ndërsa në të 41-tën, vetë lojtari kuqezi çoi sferën pas shpinës së portierit Henkinet.
Arbnor Muja ka luajtur 14 ndeshje këtë sezon me Antwerp, katër gola për të dhe 3 asiste. Një paraqitje e tillë shërben si mesazh për trajnerin e Shqipërisë, Sylvinho, përpara ndeshjeve kualifikuese të Euro 2024 ndaj Moldavisë dhe modestëve të Ishujve Faroe.
