Partizani ka zbarkuar menjëherë në fushë pas triumfit ndaj Erzenit, i arritur në një ndeshje mjaft sfiduese, megjithëse kundërshtari ishte me një lojtar më pak për një pjesë loje.
Dje paradite të gjithë lojtarët kanë zbarkuar në stërvitje, teksa titullarët janë angazhuar veçmas, me Matijeviçin, që ka punuar për t’i rikuperuar nga lodhja e sfidës me shijakasit. Lojtarët e dëmtuar vijojnë të stërviten sipas programeve individuale, teksa pjesa tjetër e ekipit janë trajnuar normalisht.
Ndeshja e radhës për të kuqtë është ajo e së shtunës në 17:00 ndaj Teutës në stadiumin “Arena e Demave”. Kjo sfidë është në llogari të javës së dhjetë, teksa sfida e raundit të parë pritet të luhet në një moment tjetër.
