Një aksident i rëndë rrugor është regjistruar rreth orës 10:15 në Xibër, pranë tunelit të Murrizit, ku janë përplasur dy automjete.
Si pasojë e përplasjes kanë humbur jetën Bledian Osmani, rreth 42 vjeç, drejtues i njërit prej automjeteve, si dhe Maltina Ferati, e cila udhëtonte si pasagjere në automjetin tjetër, që drejtohej nga shtetasi A. F., rreth 45 vjeç.
Ndërkohë, pesë persona të tjerë janë dërguar në spital për kontroll dhe ndihmë mjekësore.
Në vendngjarje ndodhet grupi hetimor, i cili po punon për të zbardhur shkaqet dhe rrethanat e aksidentit tragjik.
