Përmes një njoftimi publik, organizatorët kanë bërë thirrje që të gjithë protestuesit e gjobitur të paraqiten të premten, më 6 nëntor, në orën 17:00, në Hotel Opera në Tiranë, ku do të organizohet procesi i dhënies së prokurave te noteri.
Prokurat do t’u mundësojnë avokatëve të marrin përsipër përfaqësimin e qytetarëve në procedurat ligjore për kundërshtimin dhe anulimin e gjobave të vendosura nga Policia.
Në njoftim theksohet se mbrojtja juridike do të ofrohet falas, ndërsa organizatorët kanë përcjellë edhe mesazhin: “Askush nuk do të paguajë asnjë gjobë!”.
Të gjithë personat e interesuar duhet të paraqiten në sallën e konferencave të Hotel Opera, duke pasur me vete dokumentin e identifikimit dhe gjobën e vendosur nga Policia.
Takimi do të zhvillohet të premten, më 6 nëntor 2026, në orën 17:00.
