Të shtëna me armë zjarri janë raportuar në fshatin Shtoj të Shkodrës, ku dyshohet se ka mbetur një i plagosur .
Sipas të dhënave paraprake, me armë zjarri u qëllua këngëtari Taulant Hoti, i cili ndodhej në një lokal të zonës dhe po pinte kafen e mëngjesit, kur një person i maskuar iu afrua nga pas dhe e qëlloi me armë zjarri.
Autori i dyshuar raportohet se mbante një maskë të ngjashme me ato që përdoreshin gjatë pandemisë së COVID-19, ndërsa pas të shtënave është larguar nga vendi i ngjarjes.
Ende nuk dihen motivet e plagosjes dhe as rrethanat e plota të incidentit. Policia ka nisur hetimet për identifikimin dhe kapjen e autorit, si dhe për zbardhjen e plotë të ngjarjes.
