Detaje të reja kanë dalë në dritë në lidhje me shpërthimin në makinën e avokatit Idajet Beqiri.
Mësohet se mjeti, në të cilin është vendosur lënda shpërthyese, është në emër të bashkëshortes së avokatit.
Për fat të mirë nuk raportohet per persona te lenduar, por vetëm dëme materiale.
Policia ka mberritur ne vendin e ngjarjes per veprimet hetimore dhe për të zbardhur shkaqet e shpërthimit si dhe po punon për të identifikuar autoret.
Tiranë/Informacion paraprak
Rreth orës 09:15, në rrugën “Nikolla Lena”, para një pallati, ka shpërthyer një sasi lënde e dyshuar plasëse, e vendosur në automjetin e parkuar në pronësi të shtetases N. B.
Si pasojë, janë shkaktuar vetëm dëme materiale.
Grupi hetimor vijon punën për zbardhjen e rrethanave të rastit, si dhe për identifikimin dhe kapjen e autorit/autorëve.
