Është zhvilluar mesditën e kësaj të hëne, seanca në Apelin e Posaçëm, ndaj Ergys Agasit, i cili kishte ankimuar masën e sigurisë “arrest me burg”. Sipas raportimeve, gjyqtari Florian Kalaja, pas përfundimit të seancës ka deklaruar se vendimi do të shpallet ditën e nesërme në orën 13:00.
Ergys Agasi, ishte shpallur në kërkim nga SPAK në dhjetor të vitit 2025, pasi GJKKO kishte caktuar ndaj tij, në mungesë, masën e sigurisë “arrest me burg”, në kuadër të hetimeve për dosjen “AKSHI”.
Ai u arrestua më 26 gusht 2026, pas rreth tetë muajsh në arrati, në zonën e Plepave në Durrës. Pas arrestimit, GJKKO la në fuqi masën “arrest me burg”, vendim të cilin Agasi e ankimoi në Apelin e Posaçëm.
Po ashtu, në momentin e arrestimit, në automjet me Agasin, ndodhej edhe Ulian Shpataraku, i cili u la në burg nga GJKKO, pasi akuzohet për “Përkrahje të autorit të krimit”.
