Një aksident rrugor është regjistruar mesditën e sotme në fshatin Gumenicë, në bashkinë Selenicë.
Mësohet se një automjet është përplasur me një furgon që transportonte pasagjerë, ndërsa përplasja ka shkaktuar plagosjen e gjashtë personave.
Të lënduarit janë marrë nga autoambulancat dhe po transportohen drejt Spitalit Rajonal të Vlorës për të marrë ndihmën mjekësore. Sipas të dhënave paraprake, ata ndodhen jashtë rrezikut për jetën.
Ndërkohë, në vendngjarje kanë shkuar shërbimet e Policisë, të cilat po punojnë për të dokumentuar aksidentin dhe për të përcaktuar shkaqet dhe rrethanat e përplasjes.
